ஆரோக்கியம் | மருத்துவம் | 2022-02-11 23:14:00

சாய்ந்தமருது ஜெமீல் ஞாபகார்த்த  வைத்தியசாலை திறந்து வைப்பு.

நூருள் ஹுதா உமர், எம்.என்.எம். அப்ராஸ்

மறைந்த டாக்டர் ஏ எல் எம் ஜமீல் அவர்களால் தொடங்கப்பட்டு கடந்த 37 ஆண்டுகளாக செவிலியராக ஆரம்பித்து, 10,000 க்கும் மேற்பட்ட குழந்தைகளைப் பெற்றெடுத்தது, தற்போது புதுப்பிக்கப்பட்டு, புதிய அமைப்புகள் மற்றும் சேவைகளுடன் புதுப்பிக்கப்பட்டு, 35 க்கும் மேற்பட்ட சிறப்புகளுடன் சேனலிங் சேவைகள், லேப்ராஸ்கோபிக் அறுவை சிகிச்சைகள், கண் மருத்துவ அறுவை சிகிச்சைகள், பொது அறுவை சிகிச்சைகள், எலும்பியல், சிறுநீரகம், மகளிர் மற்றும் மகப்பேறு அறுவை சிகிச்சைகள் போன்றவையுடன் எண்டோஸ்கோபி, டிரெட்மில் அழுத்த சோதனை, எக்கோ, அல்ட்ராசவுண்ட் ஸ்கேன், எக்ஸ்ரே வசதிகள் உள்ள அம்பாறை மாவட்டத்தின் முதல் தனியார் வைத்தியசாலையான டாக்டர் ஜெமீல் ஞாபகார்த்த வைத்தியசாலையின் இரண்டாவது வைத்தியசாலையான சாய்ந்தமருது ஜெமீல் ஞாபகார்த்த வைத்தியசாலை திறப்பு விழா இன்று அந்நிறுவன முதல்வர் டாக்டர் றிஷான் ஜெமீலின் தலைமையில் நடைபெற்றது.

குறைந்த செலவில் உயர்தர சேவைகளை வழங்குவதை இலக்காகக் கொண்டுள்ளோம், தற்போது எங்களின் LSCS செலவு மூலதன விலையில் கிட்டத்தட்ட 1/3 ஆகும். நமது எதிர்காலம், ஆர்த்ரோஸ்கோபிக் அறுவை சிகிச்சைகள், ENT அறுவை சிகிச்சைகள், கேத் லேப், CT ஸ்கேன் வசதிகள் போன்றவற்றை நிறுவ தயாராகி வருகின்றோம் என அவ்வைத்தியாசலை முதல்வர் டாக்டர் றிஷான் ஜெமீல் தனதுரையில் தெரிவித்தார்.

கிழக்கு மாகாண சுகாதார சேவைகள் பணிப்பாளர் டாக்டர் ஏ.ஆர். எம். தொளபீக் பிரதம அதிதியாக கலந்து கொண்ட இந்த திறப்பு விழா நிகழ்வில் கல்முனை பிராந்திய சுகாதார சேவைகள் பணிப்பாளர் டாக்டர் ஐ.எல்.எம். றிபாஸ், சாய்ந்தமருது வைத்தியசாலை வைத்திய அதிகாரி டாக்டர் சனூஸ் காரியப்பர், கிழக்கு மாகாண சபை முன்னாள் உறுப்பினர் சட்டத்தரணி ஆரிப் சம்சுதீன், காரைதீவு பிரதேச சபை தவிசாளர் கி. ஜெயசிரில், வைத்திய அதிகாரிகள், பிரதேச முக்கியஸ்தர்கள், ஜெமீல் ஞாபகார்த்த வைத்தியசாலை கல்முனை மற்றும் சாய்ந்தமருது வைத்தியசாலைகளின் பொது முகாமையாளர்கள், நிர்வாகிகள், உத்தியோகத்தர்கள் வர்த்தக சங்கங்களின் தலைவர்கள்,  சாய்ந்தமருது கிரிக்கட் சங்க நிர்வாகிகள் என பலரும் கலந்து கொண்டனர்.


Related Posts

Our Facebook

Time

Flags Counter

Flag Counter

போலியான செய்திகளை கண்டறிவது எப்படி?

Popular Posts