 |
|
(ஏ.எல்.எம். ஷினாஸ்)
கல்முனை மாநகர சபையின் சபையின் 2021 ஆம் ஆண்டுக்கான வரவுசெலவுத்திட்ட விசேட சபை அமர்வு இன்று (02.12.2020) காலை 10.30 மணிக்கு மாநகர சபா மண்டபத்தில் நடைபெற்றது. இதன் போது மாநகர சபையின் முதல்வர் சட்டத்தரணி ஏ.எம்.றகீப் 2021 ஆம் ஆண்டுக்கான வரவு செலவு திட்டத்தை முன்வைத்தார். இதனைத் தொடர்ந்து சபை உறுப்பினர்கள் புதிய வரவு செலவுத் திட்டம் தொடர்பில் தமது கருத்துக்களை முன்வைத்தனர்.
இறுதியில் வரவு செலவுத் திட்டம் வாக்கெடுப்புக்கு விடப்பட்டது. இதில் வரவு செலவுத் திட்டத்திற்கு ஆதரவாக 24 வாக்குகளும் எதிராக 15 வாக்குகளும் அளிக்கப்பட்டதன. வாக்களிப்பின் போது இரண்டு உறுப்பினர்கள் சபைக்கு சமூகமளிக்கவில்லை 09 மேலதிக வாக்குகளால் கல்முனை மாநகர சபையின் 2020 ஆம் ஆண்டுக்கான வரவு செலவுத் திட்டம் நிறைவேற்றப்பட்டன.
வாக்கெடுப்பில் ஸ்ரீலங்கா முஸ்லிம் காங்கிரஸ் கட்சி உறுப்பினர்கள், ஹெலிகப்டர் சின்னத்தில் வெற்றிபெற்ற சுயட்சை குழு உறுப்பினர், மான் சின்னத்தில் சபைக்கு தெரிவான சுயட்சை குழு உறுப்பினர், நல்லாட்சிக்கான தேசிய முன்னணியின் உறுப்பினர், தமிழ் தேசிய கூட்டமைப்பின் 5 உறுப்பினர்கள, அகில இலங்கை மக்கள் காங்கிரசியின் 04 உறுப்பினர்களும் என 24 உறுப்பினர்கள் வரவுசெலவுத் திட்டத்திற்கு ஆதரவாக வாக்களித்தனர்.
தமிழ் தேசிய கூட்டமைப்பின் உறுப்பினர் எஸ். ராஜன், கே.சிவலிங்கம், அகில இலங்கை மக்கள் காங்கிரஸ் உறுப்பினர் எம்.ஐ.எம்.அப்துல் மனப், தேசிய காங்கிரஸ் கட்சியின் உறுப்பினர் எம்.எம். சப்ரஸ் மன்சூர், தமிழர் விடுதலைக் கூட்டணியின்- 03 உறுப்பினர்களும், சாய்ந்தமருது சுயாதீன அணியின் 08 உறுப்பினர்களும் என 15 உறுப்பினர்கள்; எதிராக வாக்களித்தனர்.
ஐக்கிய தேசிய கட்சியின் உறுப்பினர்கள் (முஸ்லிம் காங்கிறஸ் கட்சியின் பட்டியல் ) -12 பேரும் ,;, சுயேட்சை குழு சார்பாக – 02பேரும், ஸ்ரீலங்கா சுதந்திர கட்சி உறுப்பினர்(1) ஒருவரும் என 17 பேர் வரவு செலவுத் திட்டத்திற்கு ஆதரவளித்து வாக்களித்தனர்.
2018 ஆண்டு நடைபெற்ற மாநகர சபைத் தேர்தலில் கல்முனை மாநகர சபைக்கு 41 உறுப்பினர்கள் தெரிவு செய்யப்பட்டிருந்தனர். 2020 ஆண்டக்கான வரவு செலவு திட்ட வாக்களிப்பில் இரண்டு உறுப்பினர்கள் கலந்து கொள்ளாத நிலையில் 09 மேலதிக வாக்குகளால் வரவு செலவுத் திட்டம் நிறைவேற்றப்பட்டது.
