அமைச்சரின் ஊடக பிரிவு
Posted By Admin | Posted On 2019-09-10 13:04:23 | Views 456

ஊடகப்பிரிவு

 

மொனராகலை பலகருவே கிராமத்துக்கு புதிய வைத்தியசாலை;
இராஜாங்க அமைச்சர் பைசல் காசிம் நடவடிக்கை
மொனராகலை மாவட்டம் வெள்ளவாய பிரதேச செயலாகப் பிரிவிற்குட்பட்ட பலகருவே கிராமத்தில் அனைத்து வசதிகளையும் கொண்ட வைத்தியசாலை ஒன்று அமைக்கப்படும் என்று சுகாதார இராஜாங்க அமைச்சர் பைசல் காசிம் தெரிவித்துள்ளார்.

அந்தப் பகுதி மக்களின் சுகாதார நிலைமை தொடர்பாக ஆராயும் கூட்டம் ஒன்று பலகருவே புராண ராஜமஹா விகாரையில் அந்த விகாரையின் விகாராதிபதி பலகருவே சிறிசுமன தேரரின் தலைமையில் இடம்பெற்றது.அதில் கலந்துகொண்டு உரையாற்றியபோதே பைசல் காசிம் இவ்வாறு கூறினார்.

இந்தக் கிராமத்தில் 2500 குடும்பங்களை சேர்ந்த 7500 பேர் வசித்து வருகின்றனர்.இந்த மக்கள் வைத்திய சேவையைப் பெற்றுக்கொள்வதற்காக 20 முதல் 40 கிலோ மீற்றர் தூரம் வரை செல்ல வேண்டியுள்ளது.இதனால் அவர்கள் பெரும் சிரமத்தை எதிர்கொள்கின்றனர்.

அந்த மக்களின் சிரமத்தைப் போக்கி அணைத்து வசதிகளையும் கொண்ட வைத்தியசாலை ஒன்றை அமைப்பதற்கு விரைவாக நடவடிக்கை எடுக்கப்படும் என்று இராஜாங்க அமைச்சர் பைசல் காசிம் அங்கு வாக்குறுதியளித்தார்.

Like Us in Facebook
செய்தியாளர் தேவை
ஹஜ் பெருநாள் தொழுகை

Related Posts